Reuters: ყოველი მეოთხე ამერიკელი ირანთან ომს გამართლებულად მიიჩნევს

ამერიკელების 24% ფიქრობს, რომ ირანთან ომი გაწეულ ხარჯებს ამართლებს, მაშინ, როცა მოსახლეობის ნახევარი ამბობს, რომ ეს ამად არ ღირდა. კომპანია Ipsos-ის მიერ ჩატარებული საზოგადოებრივი აზრის კვლევის შედეგებს Reuters-ი ავრცელებს.

გამოკითხვის თანახმად, ამერიკელების 63% ფიქრობს, რომ ნაკლებად სავარაუდოა, რომ აშშ-ის პრეზიდენტის დონალდ ტრამპის მიერ ირანთან ხელმოწერილი შეთანხმება ისლამურ რესპუბლიკასთან ხანგრძლივ მშვიდობას უზრუნველყოფს.

გამოკითხულთა 18% მიიჩნევს, რომ ვაშინგტონსა და თეირანს შორის ხანგრძლივი მშვიდობის დამყარება რეალურია.

გარდა ამისა, 23% ფიქრობს, რომ ახლა აშშ ირანთან მიმართებით უფრო ძლიერ პოზიციაზეა, ვიდრე ეს ომის დაწყებამდე იყო. ხოლო გამოკითხულთა 35% ამბობს, რომ ვაშინგტონის პოზიციები შესუსტებულია.

ხუთდღიანმა გამოკითხვამ, რომელიც 22 ივნისს დასრულდა, აგრეთვე აჩვენა, რომ ირანთან ომმა ტრამპის პოპულარობაზე მნიშვნელოვანი გავლენა იქონია. ამერიკის პრეზიდენტის რეიტინგი 34%-მდე დაეცა, რაც მისი მეორე საპრეზიდენტო ვადის ყველაზე დაბალი მაჩვენებელია.