რობერტ ფიცო: მიგვანიშნეს, რომ ამერიკელები დაინტერესებულები არიან შეისყიდონ ევროპაში სატრანზიტო ინფრასტრუქტურა. გამოდის, რუსეთი ამერიკას მიაწვდის გაზსა და ნავთობს, ამერიკელები კი დიდი ფასნამატით მოგვყიდიან. უკვე ასეთი იდიოტები ვართ?
იმედი|imedinews.ge
სლოვაკეთის პრემიერ-მინისტრი რუსულ გაზთან დაკავშირებით ევროკავშირის პოლიტიკას აკრიტიკებს. რობერტ ფიცო ამბობს, რომ ევროკავშირის გეგმა, ეტაპობრივად შეამციროს ევროპაში რუსული გაზის იმპორტი, არაგონივრულია. ფიცოს თქმით, ასეთ შემთხვევაში ევროპას უფრო ძვირად მოუწევს ამერიკის მიერ ნაყიდი რუსული გაზისა და ნავთობის შეძენა.
„ევროკავშირის გადაწყვეტილებით, რუსეთიდან გაზის მიწოდება 2027 წელს სრულად შეწყდება. ერთ-ერთ შეხვედრაზე ნათლად მიგვანიშნეს, რომ ამერიკელები დაინტერესებულები არიან შეისყიდონ ევროპაში სატრანზიტო ინფრასტრუქტურა. ეს ძალიან სახალისოა. გამოდის, რომ რუსეთი ამერიკას მიაწვდის გაზსა და ნავთობს სტანდარტულ ფასად, ხოლო შემდეგ ამერიკელები ჩვენ მოგვყიდიან დიდი ფასნამატით. ჩვენ უკვე ასეთი იდიოტები ვართ? - განაცხადა ფიცომ.
გაზიარება:
იმედი
წყარო: imedinews.ge