რობერტ ფიცო რუმინეთში რუსული დრონის ინციდენტის შემდეგ ევროკავშირს რუსეთთან დიალოგის დაწყებისკენ მოუწოდებს

სლოვაკეთს პრემიერ-მინისტრი რობერტ ფიცო რუსული უპილოტო საფრენი აპარატის მიერ რუმინეთის საჰაერო სივრცის დარღვევის შემდეგ ევროკავშირს რუსეთთან დიალოგის დაუყოვნებლივ დაწყების მოწოდებით გამოდის.

როგორც ფიცომ სოციალურ ქსელში დაწერა, ის რუმინეთის მთავრობას სრულ მხარდაჭერას უცხადებს და ქვეყნებს თავშეკავებული განცხადებებისკენ მოუწოდებს.

„რამდენიმე დღის წინ განვაცხადე, რომ ევროკავშირსა და რუსეთს შორის დიალოგის არარსებობის დროს ნებისმიერი უპილოტო საფრენი აპარატი, რომელიც კურსიდან გადაუხვევს, ისეთ დაძაბულ ესკალაციას გამოიწვევს, რომელსაც ვერ გავუმკლავდებით. უპილოტო საფრენი აპარატის ინციდენტთან დაკავშირებით სრულ სოლიდარობას ვუცხადებ რუმინეთის მთავრობას, მოვუწოდებ თავშეკავებული განცხადებებისკენ და ევროკავშირსა და რუსეთს შორის დიალოგის დაუყოვნებლივ დაწყებისკენ“, - დაწერა ფიცომ.