რუბიო აშშ-სა და ვენესუელის სანავთობო გარიგებაზე: ეს შეთანხმება უდიდესი გამარჯვებაა როგორც ამერიკელი, ისე ვენესუელელი ხალხისთვის

აშშ-ის სახელმწიფო მდივანი მარკო რუბიო ვენესუელასთან ნავთობის შესახებ დადებულ შეთანხმებას სოციალურ ქსელ X-ში გამოეხმაურა და აღნიშნა, რომ გარიგება უდიდესი გამარჯვებაა როგორც ამერიკელი, ისე ვენესუელელი ხალხისთვის.

„ეს შეთანხმება უდიდესი გამარჯვებაა როგორც ამერიკელი, ისე ვენესუელელი ხალხისთვის. ის ცხადყოფს, თუ როგორ უზრუნველყოფს პრეზიდენტ ტრამპის თამამი საგარეო პოლიტიკა „ამერიკა უპირველეს ყოვლისა“ პრინციპზე დაფუძნებულ წარმატებებს - ჩვენს ნახევარსფეროში სტაბილური მარაგებისა და დაბალფასიანი ნავთობის ხელმისაწვდომობას, ხოლო თავად ამერიკაში ბენზინის ფასების შემცირებას“, - დაწერა რუბიომ.

მისი თქმით, ვენესეულელებისთვის აღნიშნული შეთანხმება 100 მილიარდი დოლარის ინვესტიციას მოიტანს.

„ვენესუელელი ხალხისთვის ეს შეთანხმება თითქმის 100 მილიარდი დოლარის კერძო ინვესტიციას მოიტანს, ხელს შეუწყობს ათასობით მაღალანაზღაურებადი სამუშაო ადგილის შექმნას და ვენესუელის ეკონომიკის აღდგენას შეუწყობს ხელს“, - დასძინა რუბიომ.

ცნობისთვის, აშშ-ის პრეზიდენტმა დონალდ ტრამპმა დღეს განაცხადა, რომ ამერიკის ხელისუფლებამ ვენესუელის მთავრობასთან შეთანხმებას მიაღწია, რომლის წყალობითაც აშშ-მა 65 მილიარდი ბარელის ოდენობის ვენესუელურ ნავთობზე კონტროლი დაამყარა.

This deal is a huge win for both the American and Venezuelan people. It demonstrates how President Trump's bold foreign policy is driving America First wins: securing stable reserves and low-cost oil in our Hemisphere and lowering gas prices here at home. For the Venezuelan… https://t.co/SMSRYGWmVb — Secretary Marco Rubio (@SecRubio) August 28, 2026