რუმინეთის პრეზიდენტმა პრემიერობის ახალი კანდიდატი დაასახელა
რუმინეთის პრეზიდენტმა ნიკუშორ დანმა პრემიერ-მინისტრის პოსტზე „ნაციონალურ-ლიბერალური პარტიის“ წევრი, ადრიან ვეშტია წარადგინა. მან ეს ნაბიჯი მას შემდეგ გადადგა, რაც წინა კანდიდატმა, ეუდჟენ ტომაკმა მანდატზე უარი თქვა. ის ტექნოკრატების მთავრობის ჩამოყალიბებას ცდილობდა, თუმცა პარლამენტში შემავალი პარტიების მხარდაჭერა ვერ მოიპოვა.
„ეუდჟენ ტომაკმა დღეს დილით თავისი მანდატი უკან გაითხოვა, რის გამოც პრემიერ-მინისტრის პოსტზე ადრიან ვეშტიას კანდიდატურას წარვადგენ. ამ ეტაპზე აშკარაა, რომ ეს პოლიტიკური გადაწყვეტილება სწორია“, - განაცხადა რუმინეთის პრეზიდენტმა.
დანმა წინა კანდიდატს მთავრობის მეთაურობისთვის მზადყოფნისთვის მადლობა გადაუხადა და იმედი გამოთქვა, რომ ვეშტია სამთავრობო კრიზისის დასრულებას შეძლებს.
საპარლამენტო პარტიებმა მანამდე განაცხადეს, რომ უმცირესობის მთავრობა „უკეთესი“ ვარიანტი იქნებოდა, ვიდრე ტექნოკრატების კაბინეტი.
ახლა წარდგენილ პრემიერ-მინისტრს 10 დღე აქვს იმისათვის, რომ მთავრობა ჩამოაყალიბოს და პარლამენტისგან ნდობის ვოტუმი მიიღოს.
იმედი
წყარო: imedinews.ge