რუსეთი 3 ივნისიდან სომხური კარტოფილის, ბადრიჯნისა და ჩირის იმპორტს კრძალავს
იმედი|imedinews.ge
„როსსელხოზნადზორი“ 3 ივნისიდან რუსეთში სომხური ჩირის, ბადრიჯნის, კარტოფილისა და მზესუმზირას იმპორტს კრძალავს. ინფორმაციას რუსული მედია ავრცელებს.
მედიის ცნობით, 3 ივნისიდან აგრეთვე იკრძალება სომხური წარმომავლობის აღნიშნული პროდუქციის ექსპორტი რუსეთის გავლით ევრაზიული ეკონომიკური კავშირის სხვა წევრ სახელმწიფოებშიც.
ამ შემთხვევაშიც აკრძალვის მთავარი მიზეზად დასახელებულია აღნიშნული პროდუქციის არასაკმარისი უსაფრთხოება.
ცნობისთვის, 30 მაისს რუსეთმა სომხური ტომატის, კიტრის, წიწაკის, მწვანე კულტურებისა და მარწყვის იმპორტი აკრძალა. 2 ივნისიდან აიკრძალა სომხური ალუბლის, ბალის, გარგარის, ქლიავის, ატმის, ვაშლატამას და ყურძნის იმპორტი. 2 ივნისიდან აგრეთვე შეჩერდა სომხური ცოცხალი თევზისა და თევზეულის ვეტერინარული სერტიფიცირება.
გაზიარება:
იმედი
წყარო: imedinews.ge