რუსეთის, ბელარუსის, ყაზახეთისა და ყირგიზეთის პრეზიდენტებმა სომხეთს მოუწოდეს, ჩაატაროს რეფერენდუმი ევროკავშირში გაწევრიანების საკითხზე
რუსეთის, ბელარუსის, ყაზახეთისა და ყირგიზეთის პრეზიდენტებმა სომხეთს მოუწოდეს, ჩაატაროს რეფერენდუმი ევროკავშირში გაწევრიანების საკითხზე.
„ვიზიარებთ პოზიციას სომხეთის რესპუბლიკაში რაც შეიძლება მოკლე ვადებში საყოველთაო ეროვნული რეფერენდუმის ჩატარების აუცილებლობის შესახებ ევროკავშირში გაწევრიანების ან ევრაზიულ ეკონომიკურ კავშირში შემდგომი დარჩენის თაობაზე“, - ნათქვამია მათ ერთობლივ განცხადებაში, რომელიც ასტანაში გამართული ევრაზიული ეკონომიკური კავშირის სამიტის შედეგების მიხედვით იყო მიღებული.
დოკუმენტში აღნიშნულია, რომ ევრაზიული მთავრობათაშორისი საბჭოს მონაწილეები დეკემბერში წარადგენენ მოხსენებას იმ შესაძლო შედეგების შესახებ, რაც სომხეთისთვის გაერთიანებაში წევრობის შეჩერებას მოჰყვება.
ვლადიმირ პუტინმა, ალექსანდრ ლუკაშენკომ, ყასიმ-ჟომარტ ტოკაევმა და სადირ ჟაპაროვმა ასევე აღნიშნეს, რომ აუცილებელია კავშირისთვის იმ ზიანის თავიდან აცილება, რომელიც დაკავშირებულია ერევნის მომზადებასთან ევროკავშირში გასაწევრიანებლად.
იმედი
წყარო: imedinews.ge