რუსეთმა კიევზე მასშტაბური იერიში მიიტანა. დაღუპულია ექვსი ადამიანი

რუსეთმა გვიან ღამით უკრაინის დედაქალაქზე დრონებითა და რაკეტებით მასშტაბური იერიში მიიტანა, რის შედეგადაც ექვსი ადამიანი დაიღუპა. ინფორმაციას უკრაინული მედია ავრცელებს.

მედიის ცნობით, კიდევ 96 ადამიანი დაშავებულია. კიევის პოდოლსკის რაიონში ცხრასართულიანი საცხოვრებელი სახლი ჩამოინგრა. კიევის მერი ვიტალი კლიჩკო არ გამორიცხავს, რომ ნანგრევების ქვეშ ადამიანები იყვნენ მოყოლილი.

დაბომბვის შედეგად დედაქალაქი სხვადასხვა რაიონში ხანძარი გაჩნდა. ობოლონის რაიონში დრონის ნაწილები საბავშვო ბაღთან ახლოს ჩამოვარდა.

თავდასხმა მოხდა ქალაქ დნიპროზეც. დაიღუპა 5 ადამიანი, 16 კი დაშავდა. ოკუპანტების სამიზნეში მოექცა ხარკოვის ორი რაიონიც. რის შედეგადაც დაშავებულია 10 ადამიანი, მათ შორის ერთი ბავშვი.