რუსეთმა ქალაქ ჩერნიგოვზე მასირებული თავდასხმა განახორციელა
იმედი|imedinews.ge
რუსეთის შეიარაღებულმა ძალებმა გვიან ღამით უკრაინის ქალაქ ჩერნიგოვზე მასირებული თავდასხმა განახორციელა. ინფორმაციას ჩერნიგოვის საოლქო-სამხედრო ადმინისტრაციის უფროსი დიმიტრი ბრიჟინსკი ავრცელებს.
მისი განცხადებით, ქალაქში 15-მდე აფეთქების ხმა გაისმა. თავდასხმის შედეგად დაზიანება მიიღო ერთმა საწარმომ.
„ქალაქში დაახლოებით 15 აფეთქების ხმა გაისმა. დაზიანებულია ქალაქის ერთ-ერთი საწარმო. დაშავებულების შესახებ ინფორმაცია ჯერ არ შემოსულა“, - დაწერა ბრიჟინსკიმ „ტელეგრამის“ საკუთარ არხზე.
იერიშის მიტანამდე უკრაინის სამხედრო-საჰაერო ძალებმა მოსახლეობა გააფრთხილა.
გაზიარება:
IM
იმედი
წყარო: imedinews.ge