საქართველოს ეროვნული ნაკრები მსოფლიო რაგბის ახალ ტურნირზე, ერთა თასზე გამოსვლას იწყებს - „ბორჯღალოსნები“ მონტევიდეოში, მასპინძელ ურუგვაის ხვდებიან

დღეს „იმედზე“ დიდი რაგბია. საქართველოს ეროვნული ნაკრები მსოფლიო რაგბის ახალ ტურნირზე, ერთა თასზე გამოსვლას იწყებს. ბორჯღალოსნები მონტევიდეოში, მასპინძელ ურუგვაის ხვდებიან.

ეროვნულ გუნდში ახალი მთავარი მწვრთნელის, პიერ-ანრი ბრონკანის ოფიციალური დებიუტი შედგება. ნაკრების კაპიტანი დავით ნინიაშვილი იქნება. საქართველოსა და ურუგვაის ნაკრებებს შორის დღემდე შვიდი თამაში ჩატარდა. „ბორჯღალოსნები“ ორჯერ დამარცხდნენ, ბოლო ხუთი შეხვედრა კი გამარჯვებით დაასრულეს.

შეხვედრას, ტრადიციულად, პირდაპირ ეთერში ტელეკომპანია „იმედი“ გთავაზობთ.