სებასტიან გორკა: პრეზიდენტმა ტრამპმა ჯეი დი ვენსს ოვალურ კაბინეტში საიდუმლო ინსტრუქციები დაუტოვა

პრეზიდენტის თანაშემწის მოადგილემ, სებასტიან გორკამ, პოდკასტ Pod Force One-თან ინტერვიუში განაცხადა, რომ დონალდ ტრამპს ოვალურ კაბინეტში, სამუშაო მაგიდის უჯრაში, შენახული აქვს სპეციალური წერილი ვიცე-პრეზიდენტ ჯეი დი ვენსისთვის, იმ შემთხვევისთვის თუ პრეზიდენტის უფლებამოსილების გადაბარება გახდება საჭირო.

„მაგიდის უჯრაში დევს ვიცე-პრეზიდენტის სახელზე წერილი, თუ მას (ტრამპს) რაიმე დაემართება“, - აღნიშნა გორკამ.

Fox News-ი წერს, რომ ტრამპის სიცოცხლეს საფრთხე არაერთხელ დაემუქრა. მათ შორის სულ რამდენიმე კვირის წინ, თეთრი სახლის კორესპონდენტთა ასოციაციის ვახშამზე პრეზიდენტზე თავდასხმის მცდელობა განხორციელდა.

გორკამ ეჭვი გამოთქვა იმაზე, რომ უცხო ქვეყნები პრეზიდენტის ლიკვიდაციას შეეცდებიან, განსაკუთრებით ახლა, როდესაც ტრამპი პეკინში მაღალი დონის სამიტს ესწრება. მისი თქმით, ტრამპი არის ყველაზე ძლიერი ფიგურა პრეზიდენტ ეიზენჰაუერის შემდეგ და ყველა მსოფლიო ლიდერს სურს მისგან აღიარების მოპოვება.