სენატორი ლინდსი გრემი: ირანმა ჰორმუზის სრუტესა და არაბთა გაერთიანებულ საამიროებში გემებზე თავდასხმებით აბსოლუტურად დაარღვია ცეცხლის შეწყვეტის შეთანხმება

ირანმა ჰორმუზის სრუტესა და არაბთა გაერთიანებულ საამიროებში გემებზე თავდასხმებით აბსოლუტურად დაარღვია ცეცხლის შეწყვეტის შეთანხმება, - განაცხადა „რესპუბლიკელმა“ სენატორმა, ლინდსი გრემმა.

მისი თქმით, თეირანის ქმედებები იმსახურებს აშშ-ის მხრიდან „დიდ, ძლიერ, მტკივნეულ და ხანმოკლე“ სამხედრო პასუხს.

სენატორმა აღნიშნა, რომ არსებობს აშკარა „გამართლება ირანზე ძლიერი დარტყმისთვის, რათა კიდევ უფრო შემცირდეს მათი შესაძლებლობები და ჩარევა ნაოსნობის თავისუფლებაში, ისევე როგორც რეგიონში ქაოსის გავრცელებაში“.

გრემის თქმით, პრეზიდენტ ტრამპზეა დამოკიდებული, თუ რა ნაბიჯები გადაიდგმება შემდეგ, მათ შორის გაგრძელდება თუ არა თეირანთან ბირთვული მოლაპარაკებები.

მან ასევე დასძინა: „დღევანდელი ქმედებები შეუსაბამოა იმ რეჟიმისთვის, რომელსაც დიპლომატიური გადაწყვეტა სურს“.