სერბეთის პრეზიდენტი: მადლიერი ვარ პრემიერ კობახიძის თბილი მიღებისა და ორმხრივი ურთიერთობების შემდგომი გაძლიერების, ეკონომიკური თანამშრომლობის, ასევე გლობალური და რეგიონული გამოწვევების შესახებ მოსაზრებების გაცვლისთვის. დარწმუნებული ვარ, რომ კიდევ უფრო კონკრეტული თანამშრომლობის, უფრო ძლიერი პოლიტიკური გაგებისა და მეგობრობის პერიოდი დგება
იმედი|imedinews.ge
მადლიერი ვარ პრემიერ-მინისტრ კობახიძის თბილი მიღებისა და ორმხრივი ურთიერთობების შემდგომი გაძლიერების, ეკონომიკური თანამშრომლობის, ახალი ბიზნეს ინიციატივების, სატრანსპორტო კავშირების, ტურიზმის, ასევე გლობალური და რეგიონული გამოწვევების შესახებ მოსაზრებების გაცვლისთვის, - ასე ეხმაურება სერბეთის რესპუბლიკის პრეზიდენტი ალექსანდარ ვუჩიჩი საქართველოს პრემიერ-მინისტრ ირაკლი კობახიძესთან შეხვედრას სოციალურ ქსელში.
„დარწმუნებული ვარ, რომ კიდევ უფრო კონკრეტული თანამშრომლობის, ჩვენი კომპანიების უფრო დიდი წარმომადგენლობის, უფრო ძლიერი პოლიტიკური გაგებისა და მეგობრობის პერიოდი დგება, რაც ორივე ქვეყნის მოქალაქეებისთვის სასარგებლო იქნება“, - წერს ალექსანდარ ვუჩიჩი.
გაზიარება:
იმედი
წყარო: imedinews.ge