შალვა პაპუაშვილი: არაერთხელ განვაცხადეთ, რომ ჩვენი სურვილი არის საქართველოსა და აშშ-ს ურთიერთობა დაიწყოს ახალი ფურცლიდან, რომელიც იქნება კონკრეტულ შედეგებზე ორიენტირებული
არაერთხელ განვაცხადეთ, რომ ჩვენი სურვილი არის საქართველოსა და აშშ-ს ურთიერთობა დაიწყოს ახალი ფურცლიდან, რომელიც იქნება კონკრეტულ შედეგებზე ორიენტირებული, - განაცხადა საქართველოს პარლამენტის თავმჯდომარემ შალვა პაპუაშვილმა.
მისი თქმით, სტრატეგიული პარტნიორობა, აშშ-ს წინა ადმინისტრაციამ ცალმხრივად და უსამართლოდ გააუქმა იმისთვის, რომ ზიანი მიეყენებინა ჩვენი ქვეყნისთვის.
„შეგახსნებთ, რომ ის სტრატეგიული პარტნიორობა იყო დამამშვიდებელი პრიზი მიხეილ სააკაშვილისთვის 2009 წელს, 2008 წლის მარცხის შემდეგ და ამით მას გარკვეული დამამშვიდებელი პრიზივით მისცეს, რომ ქართველ ხალხს იმავე მომენტში არ გამოეყვანა დიქტატორი სააკაშვილი საკუთარი კაბინეტიდან.
ეს ის მეთოდია, რომელსაც დღეს ვაკვირდებით უკრაინასთან მიმართებით, როდესაც უკრაინას სთავაზობენ ხან ასოცირებულ წევრობას ევროკავშირის, ხან დაჩქარებულ პროცედურებს, იმის სანაცვლოდ, რომ ეს ყველაფერი მოხდება სამშვიდობო შეთანხმების დადების შემდეგ რუსეთის ფედერაციასთან, რომლის ნაწილიც იქნება ტერიტორიების გასვლა უკრაინის კონტროლიდან. აი, ეს ისტორია აქვს ყოფილ სტრატეგიულ პარტნიორობას, ახლა ჩვენ გვინდა, რომ ეს იყოს ჭეშმარიტი სტრატეგიული პარტნიორობა, რომელიც დაფუძნებული იქნება ორივე ქვეყნის ეროვნულ ინტერესებზე“, - აღნიშნა შალვა პაპუაშვილმა.
პაპუაშვილმა დასძინა, რომ ნებისმიერ ურთიერთობას საქართველო ამყარებს ეროვნული ინტერესებიდან გამომდინარე.
იმედი
წყარო: imedinews.ge