შალვა პაპუაშვილი: ერთადერთი იარაღი, რაც ხელში დარჩა გარე ძალებს საქართველოს ასარევად, ეს გახლავთ სიძულვილისა და ზიზღის ენა

მნიშვნელოვანია, რომ ამ დეპარტამენტს მხარში დავუდგეთ და სიძულვილი, როგორც იარაღი გამოვაცალოთ ე.წ. პროევროპულ ძალებს, - განაცხადა საქართველოს პარლამენტის თავმჯდომარემ შალვა პაპუაშვილმა სიძულვილის ენის წინააღმდეგ ბრძოლის ახლად შექმნილ სამმართველოზე საუბრისას.

მისი თქმით, ერთადერთი იარაღი, რაც ხელში დარჩა გარე ძალებს საქართველოს ასარევად, ეს გახლავთ სიძულვილისა და ზიზღის ენა.

„ბრიუსელმა და მისმა წარმომადგენლობამ აქამდე მიიყვანეს იდეა მშვიდობის პროექტისა, რასაც ევროკავშირი ჰქვია. დღეს ის ასოცირდება ქართველი ხალხის თვალში ზიზღთან და ძალადობასთან. მნიშვნელოვანია, რომ ეს იარაღი იყოს გაუვნებელყოფილი. იმედი, მაქვს რომ ეს დეპარტამენტი ძალიან აქტიური იქნება.

საზოგადოებას მოვუწოდებ, რომ ეს არ არის ქართული, რაშიც შეგვიყვანეს, ეს არის გარედან თავსმოხვეული ზიზღისა და სიძულვილის ტაქტიკები, რომელიც არის სპეცსამსახურების მიერ შემუშავებული იმისთვის, რომ ერი არიონ და დააპირისპირონ“, - აღნიშნა პაპუაშვილმა.

1 ივნიდიან, შინაგან საქმეთა სამინისტროს ადამიანის უფლებების დაცვის დეპარტამენტის სიძულვილის ენის წინააღმდეგ ბრძოლის ახლად შექმნილმა სამმართველომ ფუნქციონირება დაიწყო.