შალვა პაპუაშვილი: ჰაოს და ქართლოს მონუმენტთან ადგილობრივ მოსახლეობას შევხვდით და მათთან ერთად ვისაუბრეთ იმ ღირებულებებსა და გამოწვევებზე, რომლებიც დღესაც აერთიანებს ჩვენს საზოგადოებას

წელს, როდესაც ქრისტიანობის სახელმწიფო რელიგიად გამოცხადების 1700 წლის იუბილეს აღვნიშნავთ, კიდევ ერთხელ ვრწმუნდებით, რომ საქართველოს ისტორია, კულტურა და სახელმწიფოებრიობა საერთო ფესვებიდან იღებს სათავეს, - წერს სოციალურ ქსელში პარლამენტის თავმჯდომარე შალვა პაპუაშვილი.

როგორც იგი აღნიშნავს, პარლამენტის წევრებთან ერთად, ჰაოს და ქართლოს მონუმენტთან ადგილობრივ მოსახლეობას შეხვდა და მათთან ერთად ისაუბრა იმ ღირებულებებსა და გამოწვევებზე, რომლებიც დღესაც აერთიანებს საზოგადოებას.

„ჩვენი ვალია, გავუფრთხილდეთ ამ მემკვიდრეობას, გავაძლიეროთ ეროვნული ერთობა და მომავალ თაობებს შევუნარჩუნოთ ის ფასეულობები, რომლებმაც საუკუნეების განმავლობაში შეგვინარჩუნა სახელმწიფო. ჰაოს და ქართლოს მონუმენტი კი ამ ერთიანობისა და საერთო ფესვების სიმბოლოდ რჩება“, - წერს იგი.