შალვა პაპუაშვილი ლგბტ პროპაგანდაში ქართული ეკლესიის ჩართვის მცდელობასთან დაკავშირებით ანდრია ჯაღმაიძის განცხადებაზე: უნდა გაივლოს წითელი ხაზი, რომ აღარასდროს გაბედოს არავინ და მათ შორის ევროკავშირის არცერთმა ინსტიტუციამ, რომ თავს დაესხას საქართველოს ეკლესიას
საქართველოს პარლამენტის თავმჯდომარემ შალვა პაპუაშვილმა საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის მიერ გავრცელებული ინფორმაცია სერბეთში, ქართველ ჟურნალისტებთან შეაფასა.
პაპუაშვილის თქმით, ეს არის პირველი შემთხვევა, როდესაც ევროკავშირის ინსტიტუტი თავს დაესხა ქართულ ეკლესიას, რაც აბსოლუტურად მიუღებელია.
„აქვე უნდა გაივლოს წითელი ხაზი, რომ აღარასდროს გაბედოს არავინ და მათ შორის ევროკავშირის არცერთმა ინსტიტუციამ, რომ თავს დაესხას საქართველოს ეკლესიას და თავს დაესხას მის დიდ მრევლს. გასაგებია, რომ იუკნევიჩიენეს ხელიდან საქართველოსთან დაკავშირებით კარგი არაფერი გამოვა, მაგრამ ესეც ნიშანდობლივია, რომ მას მოასინჯინეს ნიადაგი საქართველოს ეკლესიაზე თავდასხმის. ამიტომაც მნიშნველოვანია ახლა ძალიან მკაცრი და პირდაპირი რეაქცია ამაზე, რომ ამას არ ჰქონდეს რაიმე პრეცედენტის სახე და აღარავინ გაბედოს საქართველოს ეკლესიაზე თავდასხმა“, - აღნიშნა შალვა პაპუაშვილმა.
დეკანოზი ანდრია ჯაღმაიძე 2023 წელს საპატრიარქოში გამართულ შეხვედრაზე: ქალბატონი ჰაჯა ლაბიბი მობრძანდა საპატრიარქოში და გაუგონარი რამ გვთხოვა, თქვა, რომ საპატრიარქოს აქვს საკმაოდ დიდი გავლენები საზოგადოებაში, რომ ქართული საზოგადოება 21-ე საუკუნის ტენდენციებს ძალიან ჩამორჩა, მისთვის მიუღებელია ერთნაირსქესიანთა ქორწინებები და ჩვენ გვთხოვა, რომ უნდა დავხმარებოდით ამის პოპულარიზაციაში
იმედი
წყარო: imedinews.ge