შალვა პაპუაშვილი: „ნაცური“ იდეოლოგია არის ანტიქართული იდეოლოგია

ნათამაშებ დაპირისპირებებს, გაყოფასა და შეკოწიწებას უკვე 14 წელია ვაკვირდებით. პრობლემა არ არის იმაში, ვინ ვის ებრძვის და საკუთარი მმართველების წინაშე ვის უნდა, რომ ქულები ჩაიწეროს, პრობლემა არის იდეოლოგიური, - განაცხადა საქართველოს პარლამენტის თავმჯდომარემ შალვა პაპუაშვილმა ოპოზიციაზე საუბრისას.

მისი თქმით, „ნაცური“ იდეოლოგია არის ანტიქართული იდეოლოგია.

„ყველა, ვინც ამ იდეოლოგიის ნაწილია, არის ანტიქართული იდეოლოგიის ნაწილი და ყველა, ვინც ანტიქართულ იდეოლოგიაზე დგას, ის საბოლოო ჯამში საკუთარ თავსაც აზიანებს, ვინაიდან ის წინააღმდეგობაში მოდის იმ სოციალურ, ისტორიულ, საზოგადოებრივ გარემოსთან, რომლის წიაღში იმყოფება და ამითი საბოლოო ჯამში თავის თავს უთხრის ძირს. ის, ვინც ძირს უთხრის საქართველოს, ის საბოლოოდ თავის თავს გამოუთხრის ძირს“, - აღნიშნა პაპუაშვილმა.