შალვა პაპუაშვილი: წელიწადნახევარია, რაც PACE-ში საქართველოს პარლამენტის დელეგაცია არ მონაწილეობს სწორედ იმიტომ, რომ PACE არ აღიარებს ქართველი ხალხის სუვერენიტეტს და საქართველოს დამოუკიდებლობას. რაიმე მოაკლდა ჩვენს ქვეყანას?

PACE-ში რომ საქართველოს დელეგაცია არ მონაწილეობს, თქვენ ეს ყოველდღიურ ცხოვრებაში რაიმენაირად იგრძენით? ან თქვენი აზრით, პარლამენტმა რამე იგრძნო? რაიმე მოაკლდა ჩვენს ქვეყანას? - განაცხადა საქართველოს პარლამენტის თავმჯდომარე შალვა პაპუაშვილმა PACE-ში საქართველოს დელეგაციის საკითხზე დასმულ კითხვასთან დაკავშირებით.

პაპუაშვილის თქმით, წელიწადნახევარია რაც PACE-ში საქართველოს პარლამენტის დელეგაცია არ მონაწილეობს სწორედ იმიტომ, რომ PACE არ აღიარებს ქართველი ხალხის სუვერენიტეტს და საქართველოს დამოუკიდებლობას.

„PACE არ აღიარებს საქართველოს, ქართველი ხალხის სუვერენიტეტს. 9 აპრილი, 1989 წელი, 1990 წელი, ჩვენი სისხლით და ბრძოლით მოპოვებულ დამოუკიდებლობას არ აღიარებს PACE. ის, ვინ არ აღიარებს ქართველი ხალხის სუვერენიტეტს და საქართველოს დამოუკიდებლობას, ჩვენ ასეთ ინსტიტუციასთან არანაირი ურთიერთობის რესურსი არ გვაქვს მანამ, სანამ არ აღიარებენ.

PACE-ში რომ საქართველოს დელეგაცია არ მონაწილეობს, თქვენ ეს ყოველდღიურ ცხოვრებაში რაიმენაირად იგრძენით? ან თქვენი აზრით, პარლამენტმა რამე იგრძნო? რაიმე მოაკლდა ჩვენს ქვეყანას?

წელიწადნახევარია რაც PACE-ში საქართველოს პარლამენტის დელეგაცია არ მონაწილეობს სწორედ იმიტომ, რომ PACE არ აღიარებს ქართველი ხალხის სუვერენიტეტს და საქართველოს დამოუკიდებლობას.

თქვენ რა დაგაკლდათ იმით, რომ ქართველი ხალხის მოძულე ადამიანებთან არ აქვს საქართველოს პარლამენტს ყოველდღიური ურთიერთობა? ჩვენთვის მნიშვნელობა აქვს ორ რამეს და ქართველ ხალხს მანდატი მოცემული აქვს ორი მთავარი ამოცანისთვის, ეს არის ქვეყნის ტერიტორიული მთლიანობის აღდგენა და ქართველი ხალხის კეთილდღეობის გაძლიერება. ამ ორ ამოცანას ვემსახურებით ჩვენ. რომელი ინსტიტუციაც ამ ორ ამოცანას ხელს შეუწყობს, იმ ინსტიტუციას ვეთანამშრომლებით“, - აღნიშნა პარლამენტის თავმჯდომარემ.