სინგაპურში საქართველოს პრემიერ-მინისტრის ვიზიტი გრძელდება

საქართველოს პრემიერ-მინისტრის ვიზიტი აზიის ეკონომიკურ დედაქალაქში გრძელდება. ირაკლი კობახიძე დღეს სინგაპურის პარლამენტის თავმჯდომარეს შეხვდება. მთავრობის მეთაურმა უკვე გამართა მაღალი დონის შეხვედრები ქვეყნის პრემიერ-მინისტრთან და პრეზიდენტთან.

ყურადღება გამახვილდა სავაჭრო-ეკონომიკური და საინვესტიციო ურთიერთობების, ისევე, როგორც პოლიტიკური და კულტურული კავშირების შემდგომი გაღრმავების კუთხით არსებულ პოტენციალზე. საუბარი შეეხო საქართველოში არსებულ ხელსაყრელ ბიზნესგარემოს და ქვეყნის საინვესტიციო შესაძლებლობებს. საქმიანი ვიზიტის პირველივე დღე დატვირთული აღმოჩნდა მსხვილი ინფრასტრუქტურული, საფინანსო და საგანმანათლებლო შეთანხმებებითაც.

ორმხრივი შეხვედრები გაიმართა ვაჭრობის, ტრანსპორტისა და ინოვაციების მინისტრებთან. ამასთან ვიზიტის ფარგლებში, დელეგაციის წევრები შეხვდნენ ფინტექ კომპანიების წარმომადგენლებს, ასევე Changi Airports International-ის აღმასრულებელ დირექტორს.