სომხეთის ყოფილ პრეზიდენტს რობერტ ქოჩარიანს პატიმრობა შეეფარდა
ერევნის სასამართლომ სომხეთის ყოფილ პრეზიდენტს რობერტ ქოჩარიანს აღკვეთის ღონისძიების სახით პატიმრობა შეუფარდა. ინფორმაციას სომხური მედია ავრცელებს.
„საზოგადოებრივი ინტერესის გათვალისწინებით, გაცნობებთ, რომ ანტიკორუფციულმა სასამართლომ, მოსამართლე ს. დადოიანის თავმჯდომარეობით, სრულად დააკმაყოფილა გამომძიებლის შუამდგომლობა და რ. ქ.-ს აღკვეთის ღონისძიების სახით პატიმრობა შეუფარდა“, – ციტირებს მედია სომხეთის ანტიკორუფციული კომიტეტის განცხადებას.
რობერტ ქოჩარიანს ბრალი ედება სამსახურებრივი უფლებამოსილების ბოროტად გამოყენებაში, განსაკუთრებით დიდი ოდენობით ფულის გათეთრებასა და განსაკუთრებით დიდი ოდენობით ქრთამის აღებაში.
აღნიშნულ საქმეზე აგრეთვე დაკავებულია მისი უფროსი ვაჟი სედრაკ ქოჩარიანი. მას სასამართლომ ორთვიანი წინასწარი პატიმრობა უკვე შეუფარდა.
იმედი
წყარო: imedinews.ge