სომხეთის პროკურატურამ ოპოზიციური პარტია „აყვავებული სომხეთის“ ლიდერის გაგიკ წარუკიანის წინააღმდეგ სისხლის სამართლის საქმე აღძრა
იმედი|imedinews.ge
სომხეთის პროკურატურამ ოპოზიციური პარტია „აყვავებული სომხეთის“ ლიდერის გაგიკ წარუკიანის წინააღმდეგ სისხლის სამართლის საქმე აღძრა. ინფორმაციას სომხური მედია ავრცელებს.
მედიის ცნობით, პროკურატურა წარუკიანს დიდი ოდენობით გადასახადებისათვის თავის არიდებას ედავება.
„სისხლის სამართლის საქმე სისხლის სამართლის კოდექსის 290-ე მუხლის მესამე ნაწილის მეორე ქვეპუნქტით (დიდი ოდენობით გადასახადებისთვის თავის არიდება) არის აღძრული“, - აღნიშნულია სომხეთის გენერალური პროკურატურის განცხადებაში.
წარუკიანს ქვეყნის დატოვება აეკრძალა.
ცნობისთვის, წარუკიანის „აყვავებულმა სომხეთმა“ 7 ივნისს გამართულ საპარლამენტო არჩევნებში მიიღო მონაწილეობა. მისმა პოლიტიკურმა გაერთიანებამ 4-პროცენტიანი ბარიერი ვერ გადალახა და პარლამენტში ვერ მოხვდა.
გაზიარება:
იმედი
წყარო: imedinews.ge