სომხეთის ცესკომ არჩევნების საბოლოო შედეგები აქციის ფონზე გამოაცხადა

სომხეთის ცენტრალურმა საარჩევნო კომისიამ საპარლამენტო არჩევნების საბოლოო შედეგები გამოაქვეყნა. საბოლოო მონაცემების მიხედვით, მმართველმა პარტიამ „სამოქალაქო შეთანხმებამ“, ხმების 49,74% და მთავრობის ჩამოყალიბების უფლება მოიპოვა.

პრო​რუსი მილიარდერის, სამველ კარაპეტიანის ბლოკს „ძლიერ სომხეთს“ 23,27% ერგო. 9,92%- ით მესამე ადგილზე ექს-პრეზიდენტის, რობერტ ქოჩარიანის ბლოკი „სომხეთი“ გავიდა. ​მილიარდერის, გაგიკ ცარუკიანის პარტია კი პარლამენტს გარეთ დარჩა. პოლიტიკურმა ძალამ 4%-იანი ბარიერი ვერ გადალახა.

შედეგების გამოცხადების ფონზე, ცესკოს შენობასთან ოპოზიციის აქცია გაიმართა. ოპოზიციური პარტიების წარმომადგენლები არჩევნების შედეგების გაუქმებას ითხოვდნენ.