სპორტის სამინისტროს მხარდაჭერით საქართველოში RAF Georgia-ს ღონისძიება გაიმართა

ისტორიაში პირველად თბილისმა RAF-ის ღონისძიებას უმასპინძლა. ღონისძიებას საქართველოს სპორტის მინისტრი შალვა გოგოლაძე დაესწრო.

Real American Freestyle-ის ტურნირი ამერიკის შეერთებული შტატების ფარგლებს გარეთ პირველად გაიმართა. ტურნირში მსოფლიოს საუკეთესო 24 სპორტსმენი მონაწილეობდა, კერძოდ ოლიმპიური და მსოფლიოს ჩემპიონები, საერთაშორისო ვარსკვლავები და საბრძოლო სპორტის ყველაზე ცნობილი წარმომადგენლები; მათ შორის: მერაბ დვალიშვილი, ჰენრი სეჰუდო, კაილ სნაიდერი, კაილ დეიკი, აბდულრაშიდ სადულაევი, გენო პეტრიაშვილი, გივი მაჭარაშვილი, არმან ცარუკიანი და სხვა გამორჩეული მოჭიდავეები.

ღონისძიების მთავარი ბრძოლა მერაბ დვალიშვილსა და ჰენრი სეჰუდოს შორის გაიმართა, რომელშიც ქართველმა მებრძოლმა ამერიკელი მოწინააღმდეგე დაამარცხა. ხოლო RAF Georgia-ს გამარჯვებულები ქართველი სპორტსმენები - გენო პეტრიაშვილი, გივი მაჭარაშვილი და ვლადიმერ ხინჩეგაშვილი - გახდნენ.