თბილისის საქალაქო სასამართლოში საბოტაჟის საქმეზე ბრალდებული 8 პოლიტიკოსის სასამართლო პროცესი მიმდინარეობს

თბილისის საქალაქო სასამართლოში საბოტაჟის საქმეზე ბრალდებული 8 პოლიტიკოსის სასამართლო პროცესი მიმდინარეობს. სხდომაზე ბრალდების მხარის წერილობით მტკიცებულებებს იკვლევენ.

პროკურატურის განცხადებით, საქმეში დევს დოკუმენტები, რომლებიც ადასტურებს, რომ პოლიტიკოსების საჯარო განცხადებები აშკარად ძალადობისკენ მოწოდებას წარმოადგენდა.

„საქმე არის საკმაოდ მოცულობითი, 47 ტომს შეადგენს და მასში მოთავსებულია არაერთი დოკუმენტი, რომელიც წარმოადგენს საქმეზე მტკიცებულებას. ამ საქმეში დოკუმენტურად არის აღბეჭდილი პოლიტიკოსების საჯარო განცხადებები, რომლებიც პირდაპირ ძალადობისკენ მოწოდებებია. ასევე, ვიკვლევთ იმ პირთა წრეს, რომლებიც დაზიანდნენ სწორედ ამ აქციების შედეგად. დღეს გამოვიკვლიეთ არაერთი პირის ჯანმრთელობის მდგომარეობის შესახებ ინფორმაცია, მათ შორის, სამართალდამცველების, რომლებიც სწორედ აქციაზე დაპირისპირების შედეგად დაზიანდნენ”, - განაცხადა პროკურორმა ანი ხუბეჯაშვილმა.

საქმის განხილვა დახურულ რეჟიმში მიმდინარეობს.