თეა ახვლედიანი: ოჯახის სიწმინდის დღე ნიშნავს ერთგულებას, თანადგომას, სიყვარულს. ოჯახის სიყვარულისგან და სიძლიერისგან იწყება საზოგადოების ერთობა და ქვეყნის მიმართ ერთგულება და სიყვარული
ძალიან მნიშვნელოვანი და სასიამოვნო დღეა; რა თქმა უნდა, ეს დღე განასახიერებს იმ ტრადიციებს, ფასეულობებს, იმ ღირებულებებს, რაც, როგორც ხედავთ, აერთიანებს ჩვენს საზოგადოებას და მომავალშიც განამტკიცებს მას, დარწმუნებული ვარ, - განაცხადა სახელმწიფო მინისტრმა თეა ახვლედიანმა ოჯახის სიწმინდის დღესთან დაკავშირებით.
მისივე თქმით, ოჯახის სიწმინდის დღე ნიშნავს ერთგულებას, თანადგომას და სიყვარულს.
„რა თქმა უნდა, ოჯახის სიწმინდის დღე ნიშნავს ერთგულებას, თანადგომას, სიყვარულს; ოჯახის სიყვარულისგან და სიძლიერისგან იწყება საზოგადოების ერთობა და ასევე ქვეყნის მიმართ ერთგულება და სიყვარული. მინდა მოგილოცოთ ყველას, მივულოცო სრულიად საქართველოს საზოგადოებას ეს დღე, ვუსურვო კეთილდღეობა თითოეულ ოჯახს, ჯანმრთელობა, მშვიდობა და სტაბილურობა.
ყველასთვის ცნობილია, რომ სრულიად საქართველოს კათოლიკოს-პატრიარქის ილია მეორის ინიციატივით დაარსდა ეს დღე და ამ ინიციატივის დაარსებიდან ამდენი წლის შემდეგ დღევანდელი დღე ცხადყოფს, რომ ეს მემკვიდრეობა გრძელდება, თუ რა პატივისცემით და რა ღირსებით ეკიდება საქართველოს საზოგადოება ამ ინიციატივას, ოჯახის სიწმინდის დღეს“, - განაცხადა სახელმწიფო მინისტრმა თეა ახვლედიანმა.