The Hill: 10 ამერიკელიდან შვიდს სურს, რომ ირანთან ომი რაც შეიძლება მალე დასრულდეს
10 ამერიკელიდან შვიდს სურს, რომ ირანთან ომი რაც შეიძლება მალე დასრულდეს. ინფორმაციას გამოცემა The Hill-ი ჩატარებულ გამოკითხვაზე დაყრდნობით ავრცელებს.
ახალი გამოკითხვის თანახმად, ამერიკელთა თითქმის 70%-ს სურს, რომ ირანთან მიმდინარე ომი „რაც შეიძლება სწრაფად“ დასრულდეს.
The Economist/YouGov-ის მიერ ჩატარებული გამოკითხვის მიხედვით, რესპონდენტთა 68% მიიჩნევს, რომ აშშ-მა „რაც შეიძლება მალე უნდა მიაღწიოს შეთანხმებას ირანთან ომის დასასრულებლად“, ხოლო 11% ამ მოსაზრებას არ ეთანხმება. გამოკითხულთა 21% კი ამ საკითხზე პასუხის გაცემისგან თავს იკავებს, ან დარწმუნებული არ არის.
როგორც გამოცემა აღნიშნავს, ირანის წინააღმდეგ ომი უკვე სამი თვეა გრძელდება. კონფლიქტმა მნიშვნელოვანი გავლენა მოახდინა გლობალურ ეკონომიკაზე და აშშ-ის ურთიერთობები მის მოკავშირეებთან გაართულა. საბრძოლო მოქმედებების ფონზე ჰორმუზის სრუტის, ნავთობის საერთაშორისო ტრანსპორტირებისთვის ერთ-ერთი უმნიშვნელოვანესი საზღვაო მარშრუტის დახურვამ ნავთობისა და ბუნებრივი აირის ფასების ზრდაც გამოიწვია.
ამავე გამოკითხვის მიხედვით, რესპონდენტთა 28% მხარს უჭერს ირანთან სამხედრო კონფლიქტს, ხოლო 60% მისი წინააღმდეგია.
გამოკითხვა 29 მაისიდან 1 ივნისის ჩათვლით ჩატარდა. მასში 1 604 ადამიანი მონაწილეობდა, ხოლო ცდომილების ზღვარი 3,5%-ს შეადგენს.
