The Wall Street Journal: ირანს იმდენი ნავთობი დაუგროვდა, რომ მას მიტოვებულ რეზერვუარებში ინახავს

ირანს დიდი ოდენობით ნავთობი დაუგროვდა, რომლის რეალიზაციას ვერ ახერხებს, რის გამოც მისი შენახვა მიტოვებულ სანავთობო რეზერვუარებში უწევს. ინფორმაციას The Wall Street Journal-ი ავრცელებს.

გამოცემის ცნობით, ირანს დროის მოგება სურს, რადგან ომი ემსგავსება რბოლას. რა უფრო გაუძლებს - მისი სანავთობო საბადოები, თუ მსოფლიო მომხმარებლები.

ირანი ნავთობის შენახვის ახალ საშუალებებს გააფთრებული ეძებს და იმედი აქვს, რომ ნავთობის მოპოვების კატასტროფულ შეწყვეტას თავს აარიდებს, რადგან აშშ-ის სამხედრო-საზღვაო ბლოკადა ნავთობის გაყიდვას შეუძლებელს ხდის, ხოლო ომის დასრულების შესახებ მოლაპარაკებები ჩიხშია შესული, წერს The Wall Street Jorunal-ი.

ნავთობის რეალიზაციის კუთხით შექმნილი პრობლემების პირობებში ირანი მიტოვებულ საცავებს აღადგენს, იყენებს რა იმპროვიზებულ კონტეინერებს და რკინიგზით ნავთობის გადაზიდვას ჩინეთში ცდილობს.

როგორც გამოცემა წერს, ასეთი ნაბიჯები ინფრასტრუქტურული კრიზისის გადავადების და ვაშინგტონის გავლენის შესუსტებისკენ არის მიმართული.