თორნიკე ჭეიშვილი: ის, რაც შეერთებული შტატების ანგარიშშია ასახული, ფაქტობრივად საკუთარი თვალით გვაქვს ნანახი და ერთგვარი გამოცდილებაც გვაქვს მიღებული თუ როგორ ჰქონდა ადგილი საარჩევნო პროცესში ჩარევის მცდელობას
იურიდიულ საკითხთა კომიტეტის თავმჯდომარის პირველი მოადგილე თორნიკე ჭეიშვილი „ქრონიკასთან“ აშშ-ის წარმომადგენელთა პალატის ანგარიშს ეხმაურება.
მისი თქმით, ფაქტობრივად ფსონი იყო დადებული ევროკავშირის მხრიდან 2024 წლის საპარლამენტო არჩევნებზე.
„ის, რაც შეერთებული შტატების ანგარიშშია ასახული, ფაქტობრივად საკუთარი თვალით გვაქვს ნანახი და ერთგვარი გამოცდილებაც გვაქვს მიღებული თუ როგორ ჰქონდა ადგილი საარჩევნო პროცესში ჩარევის მცდელობას. ფაქტობრივად ფსონი იყო დადებული მათი [ევროკავშირის] მხრიდან 2024 წლის საპარლამენტო არჩევნებზე. არ ერიდებიან თუნდაც სანქციების ინსტრუმენტალიზაციას და სანქციების სახელით ერთგვარ შანტაჟს“, - აღნიშნა ჭეიშვილმა.
არჩევნებში ჩარევა და ცენზურა. ევროკავშირის არაკეთილსინდისიერ პოლიტიკურ თამაშებს ამჯერად აშშ-ის წარმომადგენელთა პალატის ანგარიში ამხელს. დოკუმენტში მოყვანილი მასალა გამყარებულია ტექნოლოგიური კომპანიებიდან და სასამართლო უწყების მეშვეობით მოპოვებული არასაჯარო დოკუმენტებით. ბრიუსელი ბრალდებას უარყოფს. თბილისისთვის კი ვაშინგტონის მიერ გამჟღავნებული მავნე პრაქტიკა არც ახალია და არც უცხო.
იმედი
წყარო: imedinews.ge