თორნიკე ჭეიშვილი: როდესაც რადიკალები ვერ ბედავენ თუნდაც, სლოგანის თავად შექმნას და შეთავაზებას საზოგადოებისთვის და ამ შემთხვევაშიც თავიდან ბოლომდე არიან დამოკიდებულები გარე კურატორებზე, იქ რაიმე წარმატების მოლოდინი არ უნდა არსებობდეს
იმედი|imedinews.ge
იურიდიულ საკითხთა საპარლამენტო კომიტეტის თავმჯდომარის პირველი მოადგილე თორნიკე ჭეიშვილი ოპოზიციის სლოგანს - „საქართველო იმსახურებს უკეთესს“ აფასებს. მისი თქმით, რადიკალები სლოგანის შექმნაშიც კი გარე კურატორების არიან დამოკიდებული.
„როდესაც რადიკალები ვერ ბედავენ თუნდაც, სლოგანის თავად შექმნას და შეთავაზებას საზოგადოებისთვის და ამ შემთხვევაშიც თავიდან ბოლომდე არიან დამოკიდებულები გარე კურატორებზე და კონკრეტულად, ბლაჟევიჩზე, იქ რაიმე წარმატების მოლოდინი არ უნდა არსებობდეს”, - განაცხადა ჭეიშვილმა.
„საქართველო იმსახურებს უკეთესს“ - 9 ოპოზიციური პარტიის ალიანსის სლოგანი თავად ოპოზიციურ ფლანგზევე დაცინვის და ქილიკის საგანია. მმართველ პარტიაში აცხადებენ, რომ ოპოზიციონერებმა სლოგანიც გარე დირექტივებით შეიმუშავეს.
გაზიარება:
იმედი
წყარო: imedinews.ge