თორნიკე ჭეიშვილი ზურაბ ჯაფარიძის განცხადებაზე: დღეს, როდესაც ხედავენ, რომ გარკვეული პოზიტიური იმპულსები გაჩნდა ჩვენს ხელისუფლებასა და აშშ-ის ადმინისტრაციას შორის, იძულებულები ხდებიან, რომ გააკეთონ იმგვარი აბსურდული განცხადებები, თითქოს აშშ-ის ადმინისტრაცია ყურადღებას არ აქცევს ადამიანის უფლებების დაცვას
დღეს, როდესაც ხედავენ, რომ გარკვეული პოზიტიური იმპულსები გაჩნდა ჩვენს ხელისუფლებასა და შეერთებული შტატების ადმინისტრაციას შორის, იძულებულები ხდებიან, რომ გააკეთონ იმგვარი აბსურდული განცხადებები, თითქოს შეერთებული შტატების ადმინისტრაცია ყურადღებას არ აქცევს ადამიანის უფლებების დაცვას, - აცხადებს იურიდიულ საკითხთა კომიტეტის თავმჯდომარის პირველი მოადგილე თორნიკე ჭეიშვილი ზურაბ ჯაფარიძის განცხადებაზე საუბრისას.
მისივე თქმით, ეს არის აბსურდის მორიგი გამოვლინება მათი მხრიდან.
„ეს არის აბსურდის მორიგი გამოვლინება მათი მხრიდან და გასაგებია, რადგან პოლიტიკური აგონია ხასიათდება ამგვარი ტიპის განცხადებებით“, - აღნიშნა თორნიკე ჭეიშვილმა.
ზურაბ გირჩი ჯაფარიძემ განაცხადა, რომ „ამერიკის ადმინისტრაცია მაინცდამაინც დემოკრატიაზე და ადამიანის უფლებებზე ფოკუსირებული არ არის“.
