ტრამპი ევროკავშირს აშშ-ის მხრიდან გაზრდილი ტარიფებით ემუქრება, თუ გაერთიანება 4 ივლისამდე ტარიფებს ნულამდე არ დაიყვანს

აშშ-ის პრეზიდენტი, დონალდ ტრამპი ევროკავშირს აშშ-ის მხრიდან გაზრდილი ტარიფებით ემუქრება, თუ გაერთიანება 4 ივლისამდე ტარიფებს ნულამდე არ დაიყვანს. აღნიშნული განცხადება ევროკომისიის ხელმძღვანელთან, ურსულა ფონ დერ ლაიენთან სატელეფონო საუბრის შემდეგ გაკეთდა.

„შესანიშნავი სატელეფონო საუბარი მქონდა ევროკომისიის პრეზიდენტთან, ურსულა ფონ დერ ლაიენთან. ჩვენ მრავალი საკითხი განვიხილეთ, მათ შორის ისიც, რომ სრულიად ერთიანნი ვართ იმაში, რომ ირანს არასოდეს უნდა ჰქონდეს ბირთვული იარაღი. ჩვენ შევთანხმდით, რომ რეჟიმს, რომელიც საკუთარ ხალხს ხოცავს, არ შეუძლია აკონტროლოს ბომბი, რომელსაც მილიონობით ადამიანის განადგურება ძალუძს.

მოთმინებით ველოდი, რომ ევროკავშირი შეასრულებდა თავის ვალდებულებას იმ ისტორიული სავაჭრო გარიგების ფარგლებში, რომელზეც შოტლანდიაში, ტერნბერიში შევთანხმდით - ეს არის ყველაზე დიდი სავაჭრო გარიგება ისტორიაში! გაიცა დაპირება, რომ ევროკავშირი შეასრულებდა თავის წილ პირობას და, შეთანხმებისამებრ, ტარიფებს ნულამდე დაიყვანდა. მე დავთანხმდი, მივცე მას დრო ჩვენი ქვეყნის 250 წლის იუბილემდე, წინააღმდეგ შემთხვევაში, სამწუხაროდ, მათი ტარიფები დაუყოვნებლივ გაცილებით მაღალ ნიშნულამდე გაიზრდება“, - აღნიშნა ტრამპმა.