ტრამპი ირანთან შეთანხმებაზე: თუ ეს არ იქნება ბრწყინვალე გარიგება, ჩვენ მას არ გავაფორმებთ
აშშ-ის პრეზიდენტმა, დონალდ ტრამპმა ირანთან შესაძლო შეთანხმების პირობებზე ისაუბრა და აღნიშნა, რომ მხოლოდ უმაღლესი ხარისხის გარიგებას დათანხმდება.
„მე შემიძლია ახლავე დავდო კარგი გარიგება, მაგრამ შესაძლოა ეს არ იყოს ბრწყინვალე გარიგება. ხოლო თუ ეს არ იქნება ბრწყინვალე გარიგება, ჩვენ მას არ გავაფორმებთ“, - განაცხადა ტრამპმა.
აშშ-ის ლიდერმა კიდევ ერთხელ მკაცრად გააკრიტიკა ბარაკ ობამას ადმინისტრაციის დროს, 2015 წელს გაფორმებული ბირთვული შეთანხმება. ტრამპის მტკიცებით, აღნიშნული ხელშეკრულება რეალურად წარმოადგენდა „გზას ირანისთვის ბირთვული იარაღის მოსაპოვებლად“.
გარდა ამისა, ტრამპმა განაცხადა, რომ აშშ-მა ირანში რეჟიმის ცვლილებას მიაღწია, მიუხედავად იმისა, რომ ეს თავდაპირველ მიზანს არ წარმოადგენდა. მისი თქმით, ეს მას შემდეგ მოხდა, რაც ქვეყნის წინა ლიდერები ლიკვიდირებულნი იყვნენ, ხოლო ირანის ამჟამინდელი ხელმძღვანელობა „ბევრად უფრო გონიერი და ადეკვატურია“.
იმედი
წყარო: imedinews.ge