ტრამპი: შესანიშნავი იქნებოდა, ზელენსკი და პუტინი მოლაპარაკებებისთვის თუ შეხვდებოდნენ ერთმანეთს - ორივე მათგანი ძალიან კარგი ადამიანია

აშშ-ის პრეზიდენტმა, დონალდ ტრამპმა უპასუხა, თუ რას ფიქრობს ვოლოდიმირ ზელენსკის ღია წერილზე კრემლის ლიდერისადმი. მან თავისი მოსაზრება ჟურნალისტებს თეთრ სახლში გამართული ბრიფინგის დროს გაუზიარა.

კერძოდ, ტრამპმა მხარი დაუჭირა ორი ქვეყნის ლიდერის პირისპირ შეხვედრის იდეას და დასძინა, რომ მათი შესაძლო შეხვედრის განხილვა მას ძალიან ახარებს.

„შესანიშნავი იქნებოდა, ზელენსკი და პუტინი მოლაპარაკებებისთვის თუ შეხვდებოდნენ ერთმანეთს“, - განაცხადა თეთრი სახლის ხელმძღვანელმა. გარდა ამისა, მან დასძინა, რომ „ორივე მათგანი ძალიან კარგი ადამიანია“.

ასევე, ტრამპმა აღნიშნა, რომ ამერიკული დახმარების გარეშე უკრაინა აქამდე გაძლებას ვერ შეძლებდა.

„ჩვენი სამხედროებისა და ტექნიკის გარეშე უკრაინა დღეს ბრძოლის გაგრძელებას ვერ შეძლებდა. იმ ტექნიკის გარეშე, რომელიც მე მათ მივაწოდე, უკრაინა ერთ ან ორ დღესაც ვერ გაძლებდა“, - ხაზგასმით აღნიშნა ტრამპმა.

აშშ-ის პრეზიდენტმა განაცხადა, რომ კონფლიქტის მოგვარების მიზნით უკრაინისგან და რუსეთისგან ორმხრივ კომპრომისებს ელოდება.

„მე შევთავაზე ეს დათმობები და, იცით, ჩვენ ამისთვის არამცირე ძალისხმევა გავწიეთ... მინდა, რომ თითოეული მხარე წავიდეს გარკვეულ დათმობებზე და ვფიქრობ, ისინი ასეც მოიქცევიან“, - თქვა თეთრი სახლის ლიდერმა.