ტრამპმა განაცხადა, რომ არაბული ქვეყნების ლიდერების თხოვნით, უარი თქვა ირანზე 19 მაისს დაგეგმილ დარტყმებზე

კატარის ემირმა, თამიმ ბინ ჰამად ალ თანიმ, საუდის არაბეთის ტახტის მემკვიდრე პრინცმა, მოჰამედ ბინ სალმან ალ საუდმა და არაბთა გაერთიანებული საამიროების პრეზიდენტმა, მოჰამედ ბინ ზაიედ ალ ნაჰიანმა მთხოვეს, თავი შევიკავოთ ირანზე ჩვენი დაგეგმილი სამხედრო თავდასხმისგან, რომელიც ხვალისთვის იყო ჩანიშნული, ვინაიდან ამჟამად სერიოზული მოლაპარაკებები მიმდინარეობს და მათი, როგორც დიდი ლიდერებისა და მოკავშირეების აზრით, მიღწეული იქნება შეთანხმება, რომელიც სრულიად მისაღები იქნება როგორც ამერიკის შეერთებული შტატებისთვის, ისე ახლო აღმოსავლეთისა და მის ფარგლებს გარეთ არსებული ყველა ქვეყნისთვის, - განაცხადა აშშ-ის პრეზიდენტმა, დონალდ ტრამპმა.

„ეს შეთანხმება, რაც მთავარია, მოიცავს პუნქტს: არანაირი ბირთვული იარაღი ირანს! ზემოხსენებული ლიდერებისადმი პატივისცემის ნიშნად, მე მივეცი მითითება ომის მდივანს, პიტ ჰეგსეტს, შტაბების მეთაურთა გაერთიანებული კომიტეტის თავმჯდომარეს, გენერალ დენიელ კეინს და შეერთებული შტატების სამხედრო ძალებს, რომ ჩვენ ხვალ არ განვახორციელებთ ირანზე დაგეგმილ თავდასხმას, თუმცა, ამავდროულად, დავავალე მათ, მზად იყვნენ ირანზე სრულმასშტაბიანი, ფართო იერიშის მისატანად ნებისმიერ წამს, იმ შემთხვევაში, თუ მისაღები შეთანხმება ვერ იქნება მიღწეული“, - აღნიშნა მან.