ტრამპმა განაცხადა, რომ აშშ და ირანი მოლაპარაკებებს აწარმოებენ და, მისი აზრით, თეირანი სულ უფრო „სერიოზულად არის განწყობილი“

პრეზიდენტმა დონალდ ტრამპმა პარასკევს განაცხადა, რომ აშშ და ირანი მოლაპარაკებებს აწარმოებენ და, მისი აზრით, თეირანი სულ უფრო „სერიოზულად არის განწყობილი“.

„ჩვენ ვესაუბრებით მათ. ვფიქრობ, დღითიდღე სულ უფრო და უფრო სერიოზულად ეკიდებიან საკითხს, შესაძლოა, სრულიად აშკარა მიზეზის გამოც, თუმცა ამ წუთასაც ვეთაპარაკებით“, - განუცხადა ტრამპმა ჟურნალისტებს ოვალურ კაბინეტში.

„ჩემი აზრით, ისინი იმაზე ბევრად სერიოზულად არიან განწყობილნი, ვიდრე ოდესმე გვინახავს. თუმცა ეს იმას არ ნიშნავს, რომ საბოლოო შეთანხმებამდე აუცილებლად მივალთ“, - დასძინა მან.

კითხვაზე, თუ ვინ მონაწილეობდა ირანელებთან დისკუსიაში, პრეზიდენტმა უპასუხა: „ფაქტობრივად ყველა“, და იქვე დასძინა, რომ პროცესში ვიცე-პრეზიდენტი ჯეი დი ვენსი და სახელმწიფო მდივანი მარკო რუბიოც არიან ჩართულნი.

პრეზიდენტის თქმით, მას არ ეჩქარება შეთანხმების მიღწევა ნოემბრის შუალედურ არჩევნებამდე.

„ჩვენ ეს სწორად უნდა გავაკეთოთ“, - დასძინა ტრამპმა.