ტრამპმა განაცხადა, რომ დარწმუნებულია, ირანი შეწყვეტს ურანის გამდიდრებას და უარს იტყვის ბირთვული იარაღის შექმნის ყოველგვარ მცდელობაზე
იმედი|imedinews.ge
აშშ-ის პრეზიდენტმა, დონალდ ტრამპმა განაცხადა, რომ დარწმუნებულია - ირანი შეწყვეტს ურანის გამდიდრებას და უარს იტყვის ბირთვული იარაღის შექმნის ყოველგვარ მცდელობაზე.
„100%-ით დარწმუნებული ვარ, რომ ისინი გაჩერდებიან“, - განაცხადა ტრამპმა.
ტრამპმა აღნიშნა, რომ მოლაპარაკებების დროს ის უშუალოდ იყო ჩართული ირანელ მაღალჩინოსნებთან კონტაქტში.
„მე მათთან მაქვს საქმე“, - თქვა ტრამპმა. - „მათ თქვეს, რომ ჩვენ მივიღებთ ‘მტვერს’. მე მას ‘ბირთვულ მტვერს’ ვუწოდებ, რადგან ეს შესაფერისი სახელია. და ჩვენ მას მივიღებთ“.
პრეზიდენტმა ასევე დაამატა, რომ აშშ-ს არ სჭირდება შეთანხმებისკენ სწრაფვა და აჩქარება.
„ჩვენ არაფერს დავაჩქარებთ, ჩვენ ბლოკადა გვაქვს დაწესებული“, - განაცხადა ტრამპმა.
გაზიარება:
იმედი
წყარო: imedinews.ge