უკრაინამ იაროსლავლი უპილოტო საფრენი აპარატებით დაბომბა

უკრაინის შეიარაღებულმა ძალებმა რუსეთის ქალაქ იაროსლავლს უპილოტო საფრენი აპარატებით შეუტია. ინფორმაციას რუსული მედია ავრცელებს.

იაროსლავლის ოლქის გუბერნატორის, მიხეილ ევრაევის განცხადებით, დრონების უმეტესობის ჩამოგდება მოხერხდა, თუმცა ერთ-ერთი უპილოტო საფრენი აპარატის ნაწილები იაროსლავლში მდებარე სამრეწველო ობიექტს დაეცა.

სამრეწველო ობიექტზე ხანძარი გაჩნდა. მეხანძრე-მაშველები ხანძრის კერის ლოკალიზებას ამ დრომდე ცდილობენ. შემთხვევის შედეგად არავინ დაშავებულა.

ავტომობილების მოძრაობა იაროსლავლიდან მოსკოვის მიმართულებით რამდენიმე საათის განმავლობაში აკრძალული იყო, თუმცა მოგვიანებით გზა გაიხსნა.