უკრაინამ მოსკოვი დრონებით დაბომბა

უკრაინის დრონები რუსეთის დედაქალაქ მოსკოვს თავს დაესხნენ.

მოსკოვის მერის სერგეი სობიანინის ინფორმაციით, დედაქალაქის თავზე 60-ზე მეტი უკრაინული დრონი გაანადგურეს. ერთ-ერთი მათგანი ნავთობგადამამუშავებელ ქარხანას მოხვდა. ადგილზე საგანგებო სიტუაციების სამსახურები მუშაობენ.

უკრაინის პრეზიდენტმა ვოლოდიმირ ზელენსკიმ სოციალურ ქსელში დაწერა, რომ მასშტაბური იერიში რუსეთის თავდასხმებზე სამართლიანი საპასუხო ქმედებაა, რომელიც, ომის დასრულების მიზნით, რუსეთზე წნეხს ემსახურება.