უკრაინის შეიარაღებული ძალების მთავარსარდალი: მიმართულებების რაოდენობა, საიდანაც რუსეთი შეტევას ახორციელებს, ორჯერ შემცირდა
უკრაინის შეიარაღებული ძალების მთავარსარდლის ოლექსანდრ სირსკის განცხადებით, რუსეთმა მიმდინარე წლის პირველ ნახევარში ფრონტზე ფაქტობრივად ვერცერთ დასახულ მიზანს ვერ მიაღწია, პირადი შემადგენლობასა და ტექნიკაში ორმაგი უპირატესობის მიუხედავად.
როგორც სირსკიმ აღნიშნა, თუ ადრე რუსული არმია უკრაინას 13 წერტილიდან უტევდა, ახლა ამ ადგილების რაოდენობა ექვს-შვიდს შეადგენს. მისი თქმით, უკრაინის ჯარი თავდაცვით ოპერაციას, სტაბილიზაციის ზომების ჩათვლით, აგრძელებს. ცალკეულ მიმართულებებზე ტარდება აქტიური მოქმედებები.
„თავდაცვის ძალების აქტიური მოქმედებების წყალობით 2026 წლის პირველ ნახევარში რუსული ჯარის წინსვლის ტემპი ორჯერ შემცირდა. ამავდროულად, მოწინააღმდეგის საშუალო თვიურმა დანაკარგებმა მოკლულებისა და დაჭრილების სახით დაახლოებით 32 ათასი სამხედრო მოსამსახურე შეადგინა. ჩვენ რუსი აგრესორის გამოფიტვის სტრატეგიას თანმიმდევრულად ვახორციელებთ. წინსვლის ტემპებით მხარეები ფაქტობრივად პარიტეტს მიუახლოვდნენ“, - განაცხადა სირსკიმ.
ამასთან ერთად, სირსკი აღნიშნავს, რომ მტრის სათანადოდ არდაფასება არ შეიძლება. ომში გარდამტეხ მომენტამდე ჯერ კიდევ შორია, აგრესორს უარი არ უთქვამს საკუთარ გეგმებზე ლუგანსკისა და დონეცკის სრულ ოკუპაციასთან დაკავშირებით, რუსეთი აგრეთვე ცდილობს შეუტიოს დნეპროპეტროვსკისა და ზაპოროჟიეს ოლქებს და უკრაინის ჩრდილოეთ რეგიონებში ბუფერული ზონების გაფართოებას.
იმედი
წყარო: imedinews.ge