უზბეკეთის ტრანსპორტის მინისტრი ანაკლიის ღრმაწყლოვან პორტსა და ფოთის პორტზე: დღევანდელმა ვიზიტებმა აღნიშნულ სტრატეგიულ ობიექტებზე აჩვენა, რომ უზბეკეთისთვის აუცილებელია მონაწილეობა ამ სტრატეგიული ობიექტების განვითარებაში, ზოგადად, ყოფნა ამ ინფრასტრუქტურულ ობიექტებში

დღევანდელმა ვიზიტებმა აღნიშნულ სტრატეგიულ ობიექტებზე აჩვენა, რომ უზბეკეთისთვის აუცილებელია მონაწილეობა ამ სტრატეგიული ობიექტების განვითარებაში, ზოგადად, ყოფნა ამ ინფრასტრუქტურულ ობიექტებში, - განაცხადა უზბეკეთის ტრანსპორტის მინისტრმა ილხომ მახკამოვმა ანაკლიის ღრმაწყლოვანი პორტის სამშენებლო სამუშაოებისა და ფოთის საპორტო ინფრასტრუქტურის დათვალიერების შემდეგ.

მან ასევე აღნიშნა, რომ დღეს უზბეკეთის აქტიურად მუშაობს ჩინეთი-ყირგიზეთი-უზბეკეთის რკინიგზის მშენებლობაზე.

„ეს საშუალებას მოგვცემს, გავზარდოთ დამატებითი მოცულობები, რაც ეტაპობრივად წავა შუა დერეფნის მხარეს. ამიტომ კოლეგებთან შევთანხმდით, რომ უკვე ახლავე დავიწყებთ მზადებას იმ დიდი მოცულობის ტვირთებისთვის, რომლებიც შუა დერეფნის მეშვეობით გაივლის“, - განაცხადა უზბეკეთის ტრანსპორტის მინისტრმა.

საქართველოს ეკონომიკისა და მდგრადი განვითარების მინისტრმა, მარიამ ქვრივიშვილმა უზბეკ მინისტრებს ანაკლიის ღრმაწყლოვანი პორტის სამშენებლო სამუშაოები, ასევე ფოთის საპორტო ინფრასტრუქტურა: „ეიპიემ ტერმინალს ფოთი”, “პეის ჯგუფის“ ფოთის ახალი საზღვაო ნავსადგური და თავისუფალი ინდუსტრიული ზონა დაათვალიერებინა.