ვოლსკი პოლონეთის საზმაუს ქართულენოვან სამსახურზე: საქართველოს ქვეყნის მიმართ ასეთი პროპაგანდისტული გალაშქრება იმ კონკრეტულ მიზანს ემსახურება, რასაც საქართველოს პროქსი სივრცედ ქცევაა

გიორგი ვოლსკი პოლონეთის საზოგადოებრივი მაუწყებლის ქართულენოვანი სამსახურის პირველ გადაცემაში გაჟღერებული გზავნილები შეაფასა. პარლამენტის პირველი ვიცე-სპიკერის შეფასებით, ეს პროპაგანდისტული გალაშქრებაა, რომლის მიზანიც საქართველოს პროქსი სივრცედ ქცევაა.

„საქართველოს, პატარა ქვეყნის მიმართ ასეთი პროპაგანდისტული გალაშქრება, რასაკვირველია, იმ კონკრეტულ მიზანს ემსახურება, რასაც საქართველოს პროქსი სივრცედ ქცევაა, სადაც გავლენები ექნებათ ძალებს, რომლებსაც გარკვეული პოლიტიკური მიზნები აქვთ. ამისთვის საჭიროა ებრძოლო იმას, რასაც ჰქვია სახელმწიფოს სტრუქტურა, რომელსაც მხარს უჭერს მოსახლეობის უმრავლესობა - მთავრობა, აღმასრულებელი ხელისუფლება, საკანონმდებლო ხელისუფლება. რასაკვირველია, ეკლესიაც არის იმ ჩამონათვალში, რაც ხელს უშლის იმ პროპაგანდის გავრცელებას, დამკვიდრებასა და წარმატებას, რასაც ჰქვია საქართველოში ისეთი მცნებების შემოტანას, რომლებიც უპირისპირდება ყველას, ვინც გადაწყვიტა, რომ საქართველოში დესტაბილიზაციისა და რევოლუციის პროცესი უნდა განვითარდეს. აი ეს პროპაგანდისტული რესურსი, რომელშიც საკმაოდ დიდი თანხა ჩადო პოლონეთის მთავრობამ, არის იმ გამოხატულების დამოკიდებულება, რომელიც არანაირად არ უკავშირდება საქართველოს ინტერესს“, - მიიჩნევს ვოლსკი.

„ქრონიკამ“ კითხვით მიმართა პოლონეთის საელჩოს, რა პასუხი აქვთ ეკლესიის თავდასხმაზე და უნდა ველოდოთ თუ არა მათგან რაიმე სახის რეაგირებას.