ზვიად შალამბერიძე: ყველაზე საინტერესო სააკაშვილის განცხადებაში იყო ის, რომ ის დაეთანხმა იმას, რასაც წლებია ვამბობთ - ოპოზიცია არის გაყიდული
რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველი მოადგილე ზვიად შალამბერიძე მიხეილ სააკაშვილის პოსტს გამოეხმაურა. ზვიად შალამბერიძის შეფასებით, სააკაშვილის ბოლო განცხადებით მმართველი გუნდის მოსაზრებას დაეთანხმა.
„ყველაზე საინტერესო მის განცხადებაში იყო ის, რომ ის დაეთანხმა იმას, რასაც წლებია ვამბობთ - ოპოზიცია არის გაყიდული, მოსყიდული იმ ძალების მიერ, რომლებიც მას ჩვენი ქვეყნის ფარგლებს გარედან მართავენ. სწორედ ამიტომ, ჩვენი გუნდი მათ უცხო ქვეყნის აგენტებს უწოდებს“, - აცხადებს შალამბერიძე.
მიხეილ სააკაშვილი ოპოზიციით უკმაყოფილოა და მათ უმოქმედობაში ადანაშაულებს. სააკაშვილი ოპოზიციის ნაწილს გაყიდულსა და შეშინებულს უწოდებს. ასევე წერს რომ აქტიურობის ნაცვლად ოპოზიციის წევრები დასასვენებლად არიან წასულები.
იმედი
წყარო: imedinews.ge