ელენე ხოშტარიას სასჯელი აბსოლუტურად არაპროპორციულია - ALDE - Netgazeti

ევროპის ლიბერალებისა და დემოკრატების ალიანსი (ALDE) ეხმაურება ოპოზიციონერი პოლიტიკოსის, ელენე ხოშტარიასთვის პატირობის მისჯას. მათი შეფასებით, 1,5-წლიანი პატიმრობა არაპროპორციული სასჯელია.

“ვგმობთ 1.5-წლიან განაჩენს დროას ლიდერის, ელენე ხოშტარიას წინააღმდეგ; იგი აბსოლუტურად არაპროპორციულია ელენეს დანაშაულთან, გამოხატავდეს სიტყვის თავისუფლებას და სურდეს ნათელი, პროევროპული მომავალი საქართველოსთვის. ჩვენ მოვუწოდებთ მისი დაუყოვნებლივ გათავისუფლებისკენ; ელენესა და დემოკრატიული ოპოზიციის ლიდერებისა და აქტივისტების წინააღმდეგ ყველა პოლიტიკურად მოტივირებული ბრალდება უნდა შეწყდეს; მიზნობრივი სანქციები უნდა გაღრმავდეს. ქართველებო, თქვენ მარტო არ ხართ!” – წერია ALDE-ს განცხადებაში.

We condemn the 1.5-year sentence for @DroaParty leader @Helenkhosh, which is wholly unproportionate for her crime of exercising freedom of expression and seeking a prosperous pro-EU future for Georgia.We call for her immediate release and all politically motivated charges… https://t.co/ziiw35VB3m— ALDE Party (@ALDEParty) March 24, 2026

დღეს, 24 მარტს, ოპოზიციონერი პოლიტიკოს ელენე ხოშტარიას, მოსამართლე გიორგი არევაძემ 1,5 წელი მიუსაჯა ოპოზიციონერ პოლიტიკოსს, ელენე ხოშტარიას. პროკურატურა სხვისი ნივთის დაზიანებას ედავებოდა. საუბარია თბილისის მემრის, კახა კალაძის წინასაარჩევნო ბანერზე, რომელსაც ხოშტარიამ დააწერა – “რუსული ოცნება”.

ელენე ხოშტარიამ ბანერს ეს წარწერა 23 წლის სტუდენტის, მეგი დიასამიძისადმი სოლიდარობის ნიშნად დააწერა. დიასამიძეს კალაძის ბანერის დაზიანების ბრალდებით, სისხლის სამართლის წესით ასამართლებენ. ის ამჟამად 2 000-ლარიანი გირაოს სანაცვლოდ არის გათავისუფლებული