ტრამპმა ირანთან მოლაპარაკებებში ახალი პირობა წამოაყენა - აშშ-ის პრეზიდენტი თეირანისგან წარსულში ჩადენილი დანაშაულებისთვის კომპენსაციას მოითხოვს
აშშ-ის პრეზიდენტმა დონალდ ტრამპმა ირანთან მოლაპარაკებებში ახალი პირობა წამოაყენა. მისი თქმით, ახლა ის თეირანისგან წარსულში ჩადენილი დანაშაულებისთვის კომპენსაციას მოითხოვს - მას შემდეგ, რაც ირანმა განაცხადა, რომ ჰორმუზის სრუტის გახსნისთვის ამერიკული კომპენსაცია იყო საჭირო.
"ვხედავ, რომ ირანის ისლამური რესპუბლიკის წარმომადგენლები ითხოვენ კომპენსაციას ბოლო ხუთთვიანი სამხედრო კონფლიქტის დროს მიყენებული ზიანისთვის, მიუხედავად იმისა, რომ ეს ჩვენს არცერთ მოლაპარაკებასა თუ შეხვედრაზე არასდროს უხსენებიათ! თუმცა ეს საინტერესო იდეაა, რადგან ახლა მეც ანალოგიურად ვითხოვ ირანისგან კომპენსაციას ყველა იმ ადამიანისთვის, რომლებიც მათ მოკლეს და მძიმედ დააშავეს" - წერს ტრამპი სოციალურ ქსელში.
აშშ-ის პრეზიდენტმა განაცხადა, რომ კომპენსაციები ასევე უნდა გადაეცეს ასობით ათასი იმ უდანაშაულო მომიტინგის ოჯახს, რომლებიც ირანმა ბოლო 50 წლის განმავლობაში მოკლა.
"ჩემს წარმომადგენლებს ვუბრძანე, ეს პირობა მკაცრად ჩართონ ნებისმიერ და ყველა მომავალ მოლაპარაკებაში," - აღნიშნავს ტრამპი.
რუსთავი 2
წყარო: rustavi2.ge