აშშ-სა და ირანის არაპირდაპირი მოლაპარაკებები დოჰაში შედეგების გარეშე დასრულდა
კატარში აშშ-სა და ირანის დელეგაციებს შორის არაპირდაპირი მოლაპარაკებების მორიგი რაუნდი შედეგების გარეშე დასრულდა. Reuters-ის ცნობით, ორდღიანი ტექნიკური შეხვედრების დროს მხარეებმა ჰორმუზის სრუტეში საზღვაო მიმოსვლის უსაფრთხოების საკითხები განიხილეს, თუმცა კონკრეტულ შედეგებს ვერ მიაღწიეს.
როგორც ირკვევა, ირანულმა მხარემ მკვეთრად გაააქტიურა უცხოურ ბანკებში გაყინული ფინანსური აქტივების დაუყოვნებლივ გათავისუფლების საკითხი, რამაც კიდევ უფრო გაართულა რამე სახის შედეგის მიღწევა იმ ფონზე, რომ დოჰაში პირისპირ დაანონსებული შეხვედრაც კი ვერ შედგა.
არსებული ინფორმაციით, მოლაპარაკებებისას შუამავლის როლს კატარისა და პაკისტანის წარმომადგენლები ასრულებდნენ. ირანის დელეგაციას საგარეო საქმეთა მინისტრის მოადგილე, ყაზემ ღარიბაბადი ხელმძღვანელობდა. რაც შეეხება აშშ-ის მხარეს, მას სპეციალური წარმომადგენელი, სტივ უიტკოფი და ჯარედ კუშნერი არ ესწრებოდნენ.
BM.GE
წყარო: bm.ge