"ჩვენ ვართ სამოსნები, რადგან მთავრობა გვყავს ოროსანი" - რას აფასებს Moody’s, S&P, Fitch?|ანალიზი

"ამ ქვეყანაში ვცხოვრობთ და გვინდა, ნორმალური მთავრობა და არა ის, რომ სულ სამოსანი ქვეყანა ვიყოთ... სამოსანი ქვეყანა კი იმიტომ ვართ, რომ გვყავს ოროსანი "მთავრობა", - ასე აფასებს ეკონომისტი ზაზა ბროლაძე საერთაშორისო საკრედიტო სააგენტოების რეიტინგებში საქართველოს სუვერენულ რეიტინგს, რომელიც ე.წ. "ჯანკ კლასშია" (BB/Ba2).

"ჩვენ ვართ სამოსანი სახელმწიფო ანუ არ მივეკუთვნებით იმ სახელმწიფოებს, სადაც ინვესტორები ყოველნაირი დიდი გათვლების გარეშე ჩადებენ თანხას", - აღნიშნა მან.

ზაზა ბროლაძის აზრით, კარდინალური ცვლილებების გარეშე ქვეყანა ეკონომიკურ ჩიხში დარჩება, ამიტომ ამ პროცესის დაძლევის მთავარი და უმოკლესი გზა კი ევროკავშირის წევრობა ან აქტიური კანდიდატის სტატუსია, რომელიც ინვესტორების მხრიდან ქვეყნისადმი ნდობას გაზრდილი.

“ამჟამად ევროკავშირის ყველა 27 წევრი ქვეყანა საინვესტიციო კლასშია ანუ არცერთი არ არის Baa3/BBB−ზე ქვემოთ”, - აღნიშნა მან.

ეკონომისტმა BMGTV-ის გადაცემა "წერტილთან" ინტერვიუში ვრცლად და მარტივად ახსნა, რა პრაქტიკული გამოყენება აქვს Moody’s-ის S&P-ის და Fitch-ის საერთაშოისო რეიტინგებს.

"ეს სამი კომპანია (ე.წ. დიდი სამეული), აფასებს რამდენად სანდოა ესა თუ ის ქვეყანა (ან ბანკი, კომპანია), როცა ის ვალს იღებს", - ამბობს ზაზა ბროლაძე.

ეკონომისტ ზაზა ბროლაძის მიმოხილვას და ანალიზს BMG უცვლელად გთავაზობთ:

"წარმოიდგინეთ, რომ ეს არის "სასკოლო შეფასების ჟურნალი" მსოფლიო ეკონომიკისთვის. ისევე როგორც სკოლაში მასწავლებელი აფასებს მოსწავლის ცოდნას, ეს სამი კომპანია აფასებს დაუბრუნებს თუ არა ესა თუ ის ქვეყანა ვალს დროულად და სრულად ინვესტორებს.

თავის მხრივ, რეიტინგი არ არის მხოლოდ აბსტრაქტული ციფრი ფინანსისტებისთვის. ის პირდაპირ განსაზღვრავს, რამდენად ძვირად უჯდება მთელ ქვეყანას და საბოლოო ჯამში თითოეულ მოქალაქეს, ფულის სესხება. ასე, რომ ერთ-ერთი მთავარი მიზეზი, თუ რატომ არის მაღალი საპროცენტო განაკვეთი, როდესაც საქართველოს მოქალაქე კომერციულ ბანკში სესხს იღებს, გახლავთ ჩვენი შეფასებები საკრედიტო სააგენტოების მიერ;