დიუშენით დაავადებული ბავშვების მშობლები დღეს 12:00 საათზე ირაკლი კობახიძეს შეხვდებიან
დღეს, 3 ივნისს, დიუშენის კუნთოვანი დისტროფიით დაავადებული ბავშვების მშობლები ირაკლი კობახიძეს შეხვდებიან. შეხვედრა მთავრობის ადმინისტრაციაში 12:00 საათზეა დაგეგმილი.
მშობლების მთავარ მოთხოვნად კვლავ ქვეყანაში იმ თანამედროვე პრეპარატების შემოტანა და დაფინანსება რჩება, რომლებიც დაავადების პროგრესირებას აფერხებენ.
გავრცელებულ განცხადებაში მშობლები ხაზს უსვამენ დროის ფაქტორს და იმედოვნებენ, რომ სახელმწიფო ამჯერად მაინც გადადგამს ქმედით ნაბიჯებს.
„დღეს, 3 ივნისს, 12:00 საათზე, დიუშენით დაავადებული ბავშვების მშობლები პრემიერ-მინისტრ ირაკლი კობახიძეს შეხვდებიან. ჩვენი მთავარი მოთხოვნა უცვლელია: ჩვენ ვითხოვთ დიუშენის სამკურნალო თანამედროვე პრეპარატების შემოტანას, რომლებიც ანელებენ დაავადების პროგრესს და ზრდიან სიცოცხლის ხანგრძლივობას. ჩვენ გვაქვს იმედი, რომ სახელმწიფო მიიღებს სწრაფ ზომებს ჩვენი ბავშვების სიცოცხლის გადარჩენად“, - აღნიშნულია მშობლების განცხადებაში.
BM.GE
წყარო: bm.ge