გორში პოლიციის დეტექტივი გარდაცვლილი იპოვეს - პროკურატურამ გამოძიება დაიწყო

გორის მუნიციპალიტეტის სოფელ ატენში შინაგან საქმეთა სამინისტროს გორის რაიონული სამმართველოს დეტექტივი გარდაცვლილი იპოვეს.

უწყების ინფორმაციით, საქმეზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

გორის რაიონული სამმართველოს თანამშრომელი დღეს, 7 ივნისს, გორის მუნიციპალიტეტის სოფელ ატენში გარდაცვლილი იპოვეს.

საგამოძიებო უწყების ცნობით, ამ დროისთვის საქმეზე შესაბამისი გადაუდებელი საგამოძიებო მოქმედებები მიმდინარეობს.

განცხადებას ავრცელებს შინაგან საქმეთა სამინისტროც.

„შინაგან საქმეთა სამინისტრო ღრმა მწუხარებას გამოთქვამს შიდა ქართლის პოლიციის დეპარტამენტის თანამშრომლის, ბაქარ ბექაურის გარდაცვალების გამო, უსამძიმრებს დაღუპულის ოჯახსა და ახლობლებს.

გორის პოლიციის განყოფილების დეტექტივი ბაქარ ბექაური მიმდინარე წლის 7 ივნისს სოფელ ატენში გარდაცვლილი იპოვეს.

გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

ფაქტთან დაკავშირებით გამოძიება საქართველოს პროკურატურამ დაიწყო“,- აღნიშნულია შსს-ის მიერ გავრცელებულ ინფორმაციაში.