ლარი დოლართან და ევროსთან მიმართებით გამყარდა

24 სექტემბრის ვაჭრობის შედეგად ლარი დოლართან მიმართებით გამყარდა. ეროვნული ბანკის მიერ გამოქვეყნებული მონაცემების თანახმად, ერთი აშშ დოლარის ღირებულება 2.6218 ლარი გახდა. შესაბამისად, ლარი დოლართან 0.11 თეთრით გამყარდა.

ამასთან, ეროვნული ვალუტა ევროსთან მიმართებით 1.18 თეთრით გამყარდა, რის შედეგადაც ერთი ევროს ოფიციალური ღირებულება 2.9807 ლარი გახდა.

გირვანქა სტერლინგთან მიმართებით კი ლარი 0.17 თეთრით გაუფასურდა, შედეგად ერთი ფუნტის ღირებულება 3.4665 ლარი გახდა.

ერთი ლირას კურსმა 5.37 თეთრი შეადგინა.